Palestinalied Lyrics
Palestinalied lyrics by Qntal, from the Qntal hit CD featuring the song: Palestinalied. A taste of funky fresh meets red hit disco with Qntal's new CD with song lyrics from the hit song Palestinalied. Dance and sing along with your Qntal DVD and make a name for yourself, even prepare for a karaoke contest by memorizing the Palestinalied lyrics. You can be the next Qntal singing Palestinalied lyrics just like a pro.
Palestinalied Lyrics
by Qntal
Nu allerst lebe ich mir werde,
sīt mīn sündic ouge siht
daz reine lant und ouch die erde
den man so vil eren giht.
mirst geschehen des ich ie bat,
ich bin komen an die stat
dā got mennischlīchen trat.
Schoeniu lant rīch unde here,
swaz ich der noch hān gesehen,
so bist duz ir aller ere:
waz ist wunders hie geschehen!
daz ein magt ein kint gebar
here über aller engel schar,
waz daz niht ein wunder gar?
Hie liez er sich reine toufen,
daz der mensche reine sī.
do liez er sich herre verkoufen,
daz wir eigen wurden frī.
anders waeren wir verlorn:
wol dir, sper, kriuz unde dorn!
we dir, heiden! deist dir zorn.
Hinnen fuor der sun zer helle
von dem grabe, dā er inne lac.
des was ie der vater geselle
und der geist, den niemen mac
sunder scheiden: est al ein,
sleht und ebener danne ein zein,
als er Abrahāme erschein.
In diz lant hāt er gesprochen
einen angeslīchen tac.
dā diu witwe wirt gerochen
und der weise klagen mac
II: und der arme den gewalt,
der dā wirt an ime gestalt.
wol im dort, der hie vergalt!